अपन माटी ल छोड़ के कहां जाबो संगी
जांजगीर-चांपा। अपन माटी ल छोड़ के कहां जाबो संगी
एक दिन एइ माटी म तों मिलजाबो संगी
कतको पैइसा रूपया कमाबो संगी
जबर जबर घर बनाबो संगी
कतको खेत खलिहान बिसाबो संगी
नावा नावा कार मोटर म इतराबो संगी
एक दिन एइ माटी म तो मिल जाबो संगी
अपन माटी ल छोड़ के कहां जाबो संगी
कतको बड़े आदमी बन जाबो संगी
चाहे कोनो बड़े पद ल पाबो संगी
नेता अभिनेता बन जाबो संगी
चाहे दू जुआर कमा के खाबों संगी
एक दिन एइ माटी म तो मिल जाबो संगी
अपन माटी ल छोड़ के कहां जाबो संगी
कतको रूप रंग ल पाबो संगी
कतको पढ़ लिख जाबो संगी
कोनो जात धरम के कहाबो संगी
आखिर म जम्मो झंन उन्हें जाबो संगी
एक दिन एइ माटी म तो मिल जाबो संगी
अपन माटी ल छोड़ के कहां जाबो संगी
अपन माटी ल छोड़ के कहां जाबो संगी….
प्रतीक्षा सिंह (व्याख्याता )
शासकीय हाई स्कूल मुलमुला
