हमर छत्तीसगढ़ के खानपान
सबले पहली बोरे बासी ल जान
जांजगीर। हमर छत्तीसगढ़ के खानपान
सबले पहली बोरे बासी ल जान
एक ले बढ़के एक होथे धान
हमर छत्तीसगढ़ के हावय पहचान
खाए जम्मो लइका अउ सियान
संग म ओकर मिर्चा गोंदली अथान
पानी म थोकन नून ल सान
खाके पहली जम्मो बूता म जान
कई ठन बीमारी के दवाई एला जान
मया कर के जन नता ल खवान
सूरता राखिहा एला भुला झंन जान
हमर छत्तीसगढ़ के खानपान
सबले पहली बोरे बासी ल जान
प्रतीक्षा सिंह (व्याख्याता)
शासकीय हाई स्कूल मुलमुला
