हमर छत्तीसगढ़ के पहली तिहार आगे-आगे हमर अक्ति तिहार…
जांजगीर-चांपा। हमर छत्तीसगढ़ के पहली तिहार
आगे-आगे हमर अक्ति तिहार
गांव भर के लाइक सियान जम्मो
अगोरत रहे आही अक्ति तिहार
होवय खेत खलिहान माटी के पूजा
होवय मालिक कमिया नावा अउ जुन्ना
बइगा ह करै गांव भर के देवता के पूजा
अउ लइका मन के खुसी ल झन पूछा
माटी के ओखर पुतरी अउ पुतरा
पहिनावे ओला नावा पागा अउ लुगरा
मंडप छा के करै ओखर बिहाव
गांव भर ल देवय नेवता अउ बलाव
लइका मन संग सियानो मन मिल जाए
बराती बन के बारात लेके आए
बरतिया मन रंग रंग के खायो बर पाए
फेर पुतरी ल बिदा करके अपन घर ले जाए
नान नान रहन त कतका मजा आए
आजकल के लाइका आने ताने म भुलाए
आजे के दिन गांव म अति बारात आए
हमर छत्तीसगढ़ के अक्ति तिहार कहाए
हमर छत्तीसगढ़ के अक्ति तिहार कहाए…..
प्रतीक्षा सिंह (व्याख्याता)
शासकीय हाई स्कूल मुलमुला
